Хотел Гранит

Хотелот располага со 24-часовна рецепција, големи тераси, два лифта (еден панорамски), 5 барови, надворешен шанк, модерен рекреативен базен – за возрасни и деца и сопствена приватна плажа. Дел од слободното време можете да го искористите во фитнес клубот, салата за пинг-понг, терените за тенис и кошарка или да се релаксирате со професионална масажа.

Собите имаат сателитска телевизија, сефови, Wi-Fi, телефон, купатило со туш и тоалет, француски балкон и минибар. Детските креветчиња можат да се добијат бесплатно за користење.

Престојот е на база на ноќевање со појадок со можност за доплата за вечера. Појадокот е сервиран во форма на бифе. Вечерата исто така се сервира во форма на шведска маса. Користењето на базенот е гратис, со доплата за чадори (50 денари) и лежалки (100 денари по лежалка), како за плажата така и за базенот. Собите се чистат секојдневно, при што ви се менуваат пешкирите, додека постелнината се менува на секој трет ден. Во опцијата ББ пијалокот не е вклучен. Хотелот нуди “All Inclusive” опција, која директно можете да ја договорите во хотелот.